St. Catherine of Alexandria Parish
welcome to our home community

Join the forum, it's quick and easy

St. Catherine of Alexandria Parish
welcome to our home community
St. Catherine of Alexandria Parish
Would you like to react to this message? Create an account in a few clicks or log in to continue.

You are not connected. Please login or register

SULAT NI NANAY AT TATAY

2 posters

Go down  Message [Page 1 of 1]

1 SULAT NI NANAY AT TATAY Empty SULAT NI NANAY AT TATAY Thu Oct 07, 2010 10:30 pm

formationcenter

formationcenter
Admin

Sa aking Anak,

Sa aking pagtanda, unawain mo sana ako at pagpasensiyahan.

Kapag dala ng kalabuan ng mata ay nakabasag ako ng pinggan o nakatapon ng sabaw sa hapag kainan,
huwag mo sana akong kagagalitan.
Maramdamin ang isang matanda.
Nagse-self-pity ako sa tuwing sinisigawan mo ako.

Kapag mahina na ang tenga ko at
hindi ko maintindihan ang sinasabi mo,
huwag mo naman sana akong sabihan ng "binge!"
paki-ulit nalang ang sinabi mo o pakisulat nalang.
Pasensya ka na, anak. Matanda na talaga ako.

Kapag mahina na ang tuhod ko, pagtiyagaan mo sana akong tulungang
tumayo, katulad ng pag-aalalay ko sa iyo noong nag-aaral ka pa lamang
lumakad.

Pagpasensyahan mo sana ako kung ako man ay nagiging makulit at
paulit-ulit na parang sirang plaka. Basta pakinggan mo nalang ako.
Huwag mo sana akong pagtatawanan o
pagsasawaang pakinggan.

Natatandaan mo anak noong bata ka pa? kapag gusto mo ng lobo,
paulit-ulit mo 'yong sasabihin, maghapon kang mangungulit hangga't
hindi mo nakukuha ang gusto mo. Pinagtyagaan ko ang kakulitan mo.

Pagpasensyahan mo na rin sana ang aking amoy. Amoy matanda, amoy lupa.
Huwag mo sana akong piliting maligo. Mahina na ang katawan ko.
Madaling magkasakit kapag nalamigan,
huwag mo sana akong pandirihan.
Natatandaan mo noong bata ka pa?
pinatyagaan kitang habulin sa ilalim ng kama kapag ayaw mong maligo.

Pagpasensyahan mo sana kung madalas, ako'y masungit, dala na marahil ito ng katandaan. Pagtanda mo, maiintindihan mo rin.

Kapag may konti kang panahon,
magkwentuhan naman tayo, kahit sandali lang. Inip na ako sa bahay, maghapong nag-iisa. Walang kausap.

Alam kong busy ka sa trabaho,
subalit nais kong malaman mo na sabik
na sabik na akong makakwentuhan ka,
kahit alam kong hindi ka interesado sa mga kwento ko.

Natatandaan mo anak, noong bata ka pa? Pinagtyagaan kong pakinggan at
intindihin ang pautal-utal mong kwento tungkol sa iyong teddy bear.

At kapag dumating ang sandali na ako'y magkakasakit at maratay sa banig ng karamdaman, huwag mo sana akong pagsawaang alagaan.

Pagpasensyahan mo na sana kung ako
man ay maihi o madumi sa higaan,
pagtyagaan mo sana akong alagaan sa mga huling sandali ng aking buhay.
Tutal hindi na naman ako magtatagal.

Kapag dumating ang sandali ng aking pagpanaw, hawakan mo sana ang aking
kamay at bigyan mo ako ng lakas ng loob na harapin ang kamatayan.

At huwag kang mag-alala, kapag kaharap ko na ang Diyos na lumikha,
ibubulong ko sa kanya na pagpalain ka sana ... dahil naging mapagmahal
ka sa iyong ama't ina...


https://bataan.forumotion.com

2 SULAT NI NANAY AT TATAY Empty Re: SULAT NI NANAY AT TATAY Wed Oct 13, 2010 7:04 pm

krisjay

krisjay

nakakatouch nman po to.. thanks sa pagshare

Back to top  Message [Page 1 of 1]

Permissions in this forum:
You cannot reply to topics in this forum

Free forum | ©phpBB | Free forum support | Report an abuse | Forumotion.com